1Th 1 | AAK | STEP | Poronɨ tí̵nɨ Sairaso tí̵nɨ Timotio tí̵nɨ none Jisasoyá sɨyikí̵ imónɨgí̵á Tesaronaika ŋweáyí̵ne' —Seyí̵ne' ápo Gorɨxo tí̵nɨ Ámɨná Jisasɨ Kiraiso tí̵nɨ nawínɨ ikárɨnɨgí̵áyí̵ne'rɨnɨ. Seyí̵ne' nánɨ payí̵ rɨna nearɨ mónaparɨŋwɨnɨ. “Awau' wá seawianɨri seyí̵ne' nɨwayɨrónɨro ŋweapí̵rɨ nánɨ seaiiri e'isixɨnɨ.” neaimónarɨnɨ.

1 Thessalonians 1

1 Poronɨ tí̵nɨ Sairaso tí̵nɨ Timotio tí̵nɨ none Jisasoyá sɨyikí̵ imónɨgí̵á Tesaronaika ŋweáyí̵ne' —Seyí̵ne' ápo Gorɨxo tí̵nɨ Ámɨná Jisasɨ Kiraiso tí̵nɨ nawínɨ ikárɨnɨgí̵áyí̵ne'rɨnɨ. Seyí̵ne' nánɨ payí̵ rɨna nearɨ mónaparɨŋwɨnɨ. “Awau' wá seawianɨri seyí̵ne' nɨwayɨrónɨro ŋweapí̵rɨ nánɨ seaiiri e'isixɨnɨ.” neaimónarɨnɨ.

Tesaronaika ŋweáyí̵ xɨxenɨ arí̵á wiro xí̵dɨro egí̵á nánɨrɨnɨ.

2 None íníná seyí̵ne' nánɨ Gorɨxomɨ yayí̵ nɨwirane rɨxɨŋí̵ nurɨrane'ná seyí̵ne' nánɨ enɨ seaurɨyarɨŋwárɨnɨ. 3 Seyí̵ne' Ámɨná Jisasɨ Kiraisomɨ dɨŋí̵ nɨwɨkwí̵rorɨŋí̵pimɨ dánɨ nuxí̵dɨróná rí̵wí̵ nɨrí̵kwínɨrí̵nɨŋí̵ egí̵ápɨ nánɨ arí̵á mikeamopa erane omɨ dɨŋí̵ sɨxí̵ nuyiro nánɨ anɨŋí̵ miní̵ egí̵ápɨ nánɨ enɨ arí̵á mikeamopa erane o ámɨ weapí̵wɨnɨgɨnɨrɨ wenɨŋí̵ nerɨ ŋweaarɨgí̵ápɨ nánɨ enɨ arí̵á mikeamopa erane nerane mimáyo nɨtɨnɨrane nánɨ ápo Gorɨxomɨ nurɨrane'ná rɨxɨŋí̵ seaurɨyarɨŋwárɨnɨ. 4 Negí̵ nɨrɨxí̵meáyí̵ne', Gorɨxo dɨŋí̵ sɨxí̵ nɨseayirɨ í̵á yɨyamɨxɨmí̵ seaiŋí̵pɨ nánɨ none nɨjí̵á imónɨŋwɨnɨ. 5 Ayí̵ rɨpɨ nánɨ nɨjí̵á e imónɨŋwɨnɨ. Xwɨyí̵á yayí̵ neainarɨŋí̵pɨ wáí̵ nɨseare'mearí̵ná maŋí̵pá tí̵nɨ xwɨyí̵ánɨ mɨseare'wapɨyiŋwanigɨnɨ. “Xwɨyí̵á apɨ nepa imónɨnɨ.” neaipɨmónarí̵ná emɨmí̵ eŋí̵ eánɨŋí̵ imónɨŋí̵ bɨ enɨ kwíyí̵pimɨ dánɨ seaíwapɨyiŋwanigɨnɨ. None seyí̵ne' tí̵nɨ nɨŋwearane'ná eŋwápɨ —Apɨ seyí̵ne' arɨrá oseaianeyɨnɨrɨ eŋwápɨrɨnɨ. Apɨ nánɨ seyí̵ne' nɨjí̵á imónɨŋoɨ. 6 Seyí̵ne' none eŋwápɨ nánɨ enɨ ikanɨŋí̵ neairo Ámɨnáomɨ ikanɨŋí̵ wiro egí̵árɨnɨ. E neróná xwɨyí̵á yayí̵ neainarɨŋí̵pɨ xɨxenɨ arí̵á nɨwiro nɨxí̵dɨróná xeanɨŋí̵ ayá wí seaímeáagɨ aiwɨ yayí̵ kwíyí̵ sɨxí̵ seamímóí̵pɨ tí̵nɨ nɨxí̵da ugí̵árɨnɨ. 7 Seyí̵ne' e nɨxí̵da nuróná ámá Kiraisomɨ dɨŋí̵ wɨkwí̵roarɨgí̵á Masedonia pɨropenɨsí̵yo ŋweagí̵áyo tí̵nɨ Gɨrikɨ pɨropenɨsí̵yo ŋweagí̵áyo tí̵nɨ ayo nɨyonɨ sɨŋwepɨgí̵ wigí̵árɨnɨ. Kiraisomɨ nuxí̵dɨróná xeanɨŋí̵ seaímeáagɨ aiwɨ yayí̵ tí̵nɨ anɨŋí̵ nuxí̵dɨrɨŋí̵pimɨ dánɨ sɨŋwepɨgí̵ wigí̵árɨnɨ. 8 Ayí̵ rɨpɨ nánɨ seararɨŋɨnɨ. Xwɨyí̵á seyí̵ne' Ámɨnáo nánɨ nɨrɨga u'í̵ápɨ ámá rí̵aiwá nɨremeága warɨgí̵ápánɨŋí̵ nɨrɨga nurí̵ná Masedonia pɨropenɨsí̵yo tí̵nɨ Gɨrikɨ pɨropenɨsí̵yo tí̵nɨ apiau'mɨnɨ mɨrɨnɨŋɨnigɨnɨ. Aŋí̵ nɨmɨnɨ seyí̵ne' Gorɨxomɨ dɨŋí̵ wɨkwí̵róí̵ápɨ nánɨ arí̵á wiárɨgí̵awixɨnɨ. Rɨxa arí̵á wíí̵á eŋagɨ nánɨ none ámɨ aŋí̵ bimɨ nɨre'morí̵ná seyí̵ne' nánɨ bɨ tí̵nɨ rɨpaxí̵ menɨnɨ. 9 Ayí̵ rɨpɨ nánɨrɨnɨ. Ámá ní̵nɨ none seyí̵ne' tí̵ŋí̵ e nánɨ báná nɨneamímɨnɨro egí̵ápɨ nánɨ repɨyí̵ inɨro seyí̵ne' Gorɨxo, nepa ŋwí̵á dɨŋí̵ nɨyɨmɨŋí̵ tí̵ŋí̵ imónɨŋomɨ uxí̵dɨpí̵rɨ nánɨ nɨkɨnɨmónɨmáná segí̵ ŋwí̵ápimɨ rí̵wí̵ umogí̵ápɨ nánɨ repɨyí̵ inɨro 10 seyí̵ne' Gorɨxomɨ xewaxo —O xwárɨpáyo dánɨ owiápí̵nɨmeanɨrɨ sɨŋí̵ wimɨxɨŋorɨnɨ. Í̵wí̵ ámá yarɨgí̵ápɨ nánɨ Gorɨxo wikí̵ rí̵á ápiáwí̵nɨŋí̵ nɨwónɨrɨ rí̵we'ná pɨrí̵ umamoní̵ápimɨ dánɨ e'í̵ neamímɨnarɨŋorɨnɨ. Ayí̵ womanɨ. Sa Jisasorɨnɨ. O aŋí̵namɨ dánɨ weapɨní̵e nánɨ seyí̵ne' xwayí̵ nanɨrɨ ŋweaarɨgí̵ápɨ nánɨ repɨyí̵ inɨro yarí̵ná wímeaarɨŋwá eŋagɨ nánɨ none ámɨ bɨ tí̵nɨ urɨpaxí̵ mimónɨŋwɨnɨ.